Gangs of New York ye una película histórica del añu 2002 dirixida por Martin Scorsese y escrita por Jay Cocks, Steven Zaillian y Kenneth Lonergan. Ambientada mientres la metá del sieglu XIX nel barriu de Five Points de Nueva York, la película ta en parte inspirada nel llibru The Gangs of New York (1928) de Herbert Asbury. Foi realizada en Cinecittà, Roma, distribuyida por Miramax Films y nomada a múltiples premios, incluyendo diez premios Óscar, ente ellos el de meyor película, meyor direutor y meyor guión orixinal.
La trama del filme empieza en 1846 y rápido salta escontra 1862, onde les principales problemátiques de la dómina yeren la inmigración irlandesa a la ciudá y la Guerra de Secesión en cursu. La cinta narra la hestoria del enfrentamientu ente dos pandilla rivales: los "Nativos" lideraos por Bill "The Butcher" Cutting (Daniel Day-Lewis) y los "Coneyos muertos", un grupu d'inmigrantes recién llegaos lideraos por Amsterdam Vallon (Leonardo DiCaprio). La llucha ente dambos bandos coincide colos Disturbios de Reclutamiento de 1863 en Nueva York, conocíos como Draft Riots.
© MMXXIII Rich X Search. We shall prevail. All rights reserved. Rich X Search